എന്റെ അന്ത്യ നാളുകളിൽ
നിനക്കായി മാത്രം
ഒരു കൊച്ചു പൂവുമതിൻ ചാരേ
ചെറു കവിതയും കരുതിടാം
സുഗന്ധമില്ലാത്തോരാ പൂ
സിരസിൽ ചൂടിടേണം
അടയുന്ന മിഴികളിൽ നിറയട്ടെ
അനശ്വരമായി ആ ചിത്രം
നാം കടന്ന വഴികളും
സ്നേഹ വായ്പ്പും വഴക്കും
ഏറ നാൾ ഇടം നെഞ്ചിൽ
ചേർത്ത് വച്ച ഓര്മ്മകളും
ചോരയിൽ ചാലിച്ചു ഞാൻ
കുറിച്ചിട്ട വരികളാൽ
ഓർമ്മകൾ മേഘമായി നിൻ
മനസിനെ മൂടവേ പിന്നെ
മിഴി നീരായി നിറഞ്ഞു
പെയ്തു ഒഴിയവേ
അതിലൊരു തുള്ളി എനിക്കും
ഇടം നെഞ്ചിൽ ഏറ്റു വാങ്ങണം
അതിൻ ചൂടിൽ ഈ ദേഹം ഉരുകി
അലിഞ്ഞു ഇല്ലാതായിടെണം
ഇത്രമാത്രമെൻ എൻ വാക്കുകൾ
ഇത്രമാത്രമെൻ ഓസ്യത്തും